''Fənərbaxça'' və Türkiyə futbolunun əfsanəsi Ziya Şəngüldən üzücü xəbər gəlib.

Football-plus.az xəbər verir ki, 79 yaşlı futbol adamı dünyasını dəyişib. Xroniki ağciyər xəstəliyindən əziyyət çəkən Şəngül bir müddət öncə xəstəxanaya yerləşdirilmişdi. Türkiyə Futbol Federasiyası, eləcə də superliqanın bir sıra klubları ''Fənər''ə başsağlığı veriblər. Qeyd edək ki, Ankara təmsilçisi PTT-də futbola başlayan Şəngül 1964-də 20 yaşında İstanbul nəhənginə gəlmiş və karyerasının sonuna – 1975-ci ilə qədər bu klubda çıxış etmişdi. Müdafiəçi olan və öz dönəminin ən uğurlu futbolçularından biri sayılan Şəngül ''Fənər''in heyətində 5 dəfə ölkə çempionluğunu, eləcə də 2 dəfə ölkə kuboku və 3 dəfə ölkə superkubokunu qazanıb. Türkiyə yığmasında 21 oyun keçirib və 2 qol vurub. Bunlardan 17-də kapitan sarğısını daşıyıb. 1979/80 mövsümündə və 1986-cı ildə ''Fənərbaxça''da həm də baş məşqçi kimi çalışıb.