Dünyada “idman “Oskar”ı” adlandırılan “Laureus” mükafatına namizədlərin siyahısı açılanıb.

Football-plus.az xəbər verir ki, mükafatın təşkilat komitəsi rəsmi sayt vasitəsilə müxtəlif nominasiyalar üzrə aşağıdakı şəxslərin qələbəyə iddialı olduğunu bildirib.

İlin kişi idmançısı: Lionel Messi (Argentina, futbol), Kilian Mbappe (Fransa, futbol), Rafael Nadal (İspaniya, tennis), Arman Düplantis (İsveç, şüvüllə tullanma), Maks Ferstappen (Niderland, “Formula-1”), Stefen Karri (ABŞ, basketbol).

İlin qadın idmançısı: Mikaela Şiffrin (ABŞ, dağ xizəkçiliyi), Aleksiya Putelyas (İspaniya, futbol), Şelli-En Freyzer-Prays (Yamayka, qaçış), İqa Sventek (Polşa, tennis), Ketlin Ledeki (ABŞ, üzgüçülük), Sindi Maklaflin (ABŞ, qaçış).

İlin komandası: Argentinanın kişilərdən ibarət futbol yığması, İngiltərənin qadınlardan ibarət futbol yığması, “Real” (futbol), Fransanın kişilərdən ibarət reqbi yığması, “Qolden Steyt” (MBA, basketbol), “Red Bull” (“Formula-1”).

İlin dönüşü: Kristian Eriksen (Danimarka, “Mançester Yunayted”, futbol), Tayger Vuds (ABŞ, qolf), Kley Tompson (ABŞ, “Qolden Steyt”, basketbol), Françesko Banyaya (İtaliya, motoyürüş), Yakob İnqebriqtsen (Norveç, qaçış), Annemik van Vleten (Niderland, veloidman).

İlin tərəqqisi: Yelena Rıbakina (Qazaxıstan, tennis), Karlos Alkaras (İspaniya, tennis), Mərakeşin kişilərdən ibarət futbol yığması, Natan Çen (ABŞ, fiqurlu xizəksürmə), Skotti Şeffler (ABŞ, qolf), Tobi Amusan (Nigeriya, qaçış).