22-ci turun “Turan Tovuz” – “Kəpəz” matçında az da olsa, gəncəli azarkeşlər var idi. Təxminən 60-a yaxın fanat “Xəmsə” və “Ultras”ı təmsil edirdi.

Etibarlı mənbədən “Football-plus.az” saytına daxil olan məlumata görə, “sarı-göylər”in fanatları Tovuza öz hesabına gedib. Daha dəqiq desək, klub rəhbərliyi onlara Tovuza yollanmaq üçün avtobus ayırmayıb. Səbəb isə azarkeşlərin intizamsız davranışa görə “Kəpəz”i maddi planda ziyana salmasıdı. Onu da qeyd edək ki, bu günə kimi fanatlar klubu təxminən 20 min manat xərcə salıb.

Məsələ ilə bağlı “Xəmsə” fanklubun rəhbəri Müşfiq Məmmədovla əlaqə saxladıq. Onun dediklərinə keçid alaq:

"Kəpəz" azarkeşlərinə görə yalnız ötən ilin dekabrında, "Turan Tovuz"la oyuna görə cərimələnib. Ondan sonra da bizə dəfələrlə avtobuslar ayrılıb. Sadəcə, “Turan Tovuz”la oyun üçün avtobus tutulmadı. Bunun da səbəbi bölgənin uzaq olmamasıdı. Toplaşıb özümüz getdik. Yəni klub rəhbərliyi ilə aramızda hansısa anlaşılmazlıq, qarşıdurma yoxdu".

ABDULLA İSMAYILOĞLU