Futbolun İnkişaf Fondu (FİF) 2022/23 mövsümündən premyer-liqada iştirak edəcək "Turan Tovuz"a dəstək olmaq və hər bir fərdinin bu prosesdə yaxından iştirakına şərait yaratmaq üçün “Turan 100k” layihəsini araya-ərsəyə gətirib. FİF-dən verilən məlumata görə, layihə klub üçün 100 min manat ianə toplamaq niyyəti daşıyır.
Veb platformada real futbol meydanı ölçülərinə uyğun olan 7140 ədəd pikseldən ibarət virtual meydança yerləşdirilib. 1 pikselin qiyməti 15 manat təşkil edir. 1, 4, 9 və 16 saydan ibarət olan piksellərdən toplanan vəsait kluba avtobus alınması üçün sərf olunacaq və bununla bağlı ictimaiyyətə hesabat veriləcək. Azarkeşlər 30 illik yubileyini qeyd edən Azərbaycanın ilk rəsmi peşəkar futbol klubu olan “Turan Tovuz”a dəstək məqsədilə ianə edərkən aldıqları piksellərə öz şəkillərini yerləşdirə bilər. İanəçilərin fotoları klubun avtobusunun üzərində yer alacaq və stadionun ərazisindəki lövhədə əksini tapacaq.
RƏŞAD