“Finiks”in prezidenti və baş icraçı direktoru Ceyson Rouli istefa verib.

Football-plus.az xəvər verir ki, klubun müvəqqəti idarəedicisi Sem Qarvin əməkdaşlara göndərdiyi elektron məktubda bu xəbəri çatdırıb.

Rouli 2007-ci ildən “Finiks”də çalışırdı. ESPN Qarvinin əməkdaşlara göndərdiyi məktubun məzmununu yayıb:

“Sizə məlumat verirəm ki, Ceyson Rouli klubu tərk etməyə qərar verib. 15 illik gərgin və sədaqətlə xidmətdən sonra Ceyson belə hesab etdi ki, sahibin dəyişməsi üçün ideal vaxtdı. O, peşəkar yolunda bu fəsli qapayır və yeni imkanların axtarışı ilə məşğul olacaq”.

Xatırladaq ki, bir müddət əvvəl Rouli rəhbərlik dövründə hüquqazidd hərəkətlərdə suçlanırdı. Sabiq prezidentə əməkdaşlara sözlü təhqir, hamilə əməkdaşlarla sərt davranmaq, hədə-qorxu gəlmək kimi ittihamlar irəli sürülmüşdü. O isə bütün bunları rədd edir.