“Finiks”in oyun qurucusu Kris Pol komandasının “Klippers”ə qalib gəldiyi (112:95) oyunu ömürboyu unuda bilməyəcək.

Football-plus.az xəbər verir ki, 37 yaşlı amerikalı məhz bu oyundakı 11 məhsuldar ötürmə sayəsində MBA tarixində 11 min ötürmə həddini aşan 3-cü basketbolçu oldu. İndi hesabında 11009 məhsuldar ötürmə olan Pol yalnız Ceyson Kidd (12091) ilə Con Stoktondan (15806) geri qalır.

Əvəzində məhz “Finiks”in ulduzu MBA tarixində ən azı 20 min xal yığan və 11 min məhsuldar ötürmə verən ilk basketbolçudu.