Premyer-liqanın 20-ci turunda "Səbail" doğma meydanda "Kəpəz"i qəbul edir.

"Football-plus.az" xəbər verir ki, matçın 24-cü dəqiqəsində meydan sahiblərinin futbolçusu Kizito Luvaqa zədələndi. Bir neçə dəqiqə meydanda həkimlər futbolçuya ilkin tibbi yardımı göstərdi. Lakin başından xəsarət alan Kizito meydanı xərəkdə tərk etməyə məcbur oldu. Portuqaliyalı hücumçu dərhal təcili yardım maşını ilə xəstəxanaya aparılıb.

Qeyd edək ki, hazırda ikinci hissəsi oynanılan matçda hesab açılmayıb.