UEFA transfer qaydalarını dəyişə bilər. Bu bu barədə “The Times” nəşri məlumat yayıb.

UEFA-nın rəhbərliyi İngiltərənin bir sıra klublarının “Çelsi”nin son transferlər zamanı istifadə etdiyi metodları tənqid etməsindən sonra bu barədə düşünməyə başlayıb. Avropa futbol qurumu “Çelsi”yə rekord transfer xərclərini 8 ilə qədər bölməyə imkan verən boşluğu aradan qaldırmağı planlaşdırır. Premyer-liqanın bir sıra klubları London təmsilçisini “Şaxtyor”dan alınan Mixail Mudrikin xərclərini azı 8 il ərzində ödəyərək “maliyyə feyr-pleyi” qaydalarından yan keçməyə çalışmaqda ittiham edib. FİFA-nın nizamnaməsi təzminat ödənişinin maksimum müddətini 5 il müəyyən edir, lakin Avropa futbolunda “Çelsi”nin istifadə etdiyi istisna hallarına icazə verilir.

Bu planda qayda dəyişikliyi qüvvəyə minəcəyi halda “zadəganlar”ın son transferlərinə təsir etməyəcək. Lakin çox güman ki, bundan sonrakı “transfer pəncərəsi” dövründə londonluların istifadə etdiyi metodun müddəti məhdudlaşdırılacaq. Maraq üçün qeyd edək ki, Mudrikin transfer xərci 8,5, “Monako”dan alınan Benua Badyaşilin keçidi üzrə təzminat ödənişi isə 7,5 ilə reallaşacaq.