Almaniyada oynamış futbolçu Azərbaycan klubunda!
Birinci divizionda ilk dövrədən sonra "Zirə-2"də ayrılıq gerçəkləşdi. Baş məşqçi Azər Məmmədov "qartallar"ın əvəzedicilərindən getdi.
"Zirə-2" hələ də yeni çalışdırıcının kimliyinə aydınlıq gətirməyib. Görəsən, komandanı məşqlərə kim çıxarır, təlim-məşq toplanışı necə keçir? "Football-plus.az" saytı olaraq bu sualları aydınlaşdırmaq üçün klubun Futbol Akademiyasının əlaqələndiricisi Zaur Həşimovla əlaqə saxladıq:"Komandada hər şey qaydasındandı. Yanvarın 5-dən toplanışa start vermişik. Hələ ki komandanı məşqə Hacı Əhmədov çıxarır, mən də kömək edirəm. İki futbolçu - Ağarəhim Kərimovla Ramin Tağıyev ayrılıb. Əvəzində 2 futbolçu transfer, akademiyamızdan da İlqar Əhmədovu cəlb etmişik. "Neftçi-2"dən Ülvi Mədətov, Almaniyanın 4-cü liqasında oynamış Zöhrab Əsədov komandaya qoşulub. Üç yoxlama matçı keçirəcəyik. Yanvarın 18-də "Qarabağ-2", 27-də "Araz Naxçıvan", 31-də isə "Səbail-2" ilə qarşılaşacağıq. Baş məşqçi axtarışımız da davam edir. İstədiyimiz mütəxəssisi tapmasaq, Hacı Əhmədovla da anlaşa bilərik".
ABDULLA İSMAYILOĞLU
Digər xəbərlər
