Rahid Əmirquliyev: “Komanda uğursuz çıxış edirsə, buna görə məsuliyyəti baş məşqçi daşıyır”
Premyer-liqada işləri yaxşı getməyən “Səbail”də baş məşqçi dəyişiklliyi gerçəkləşdi.
Football-plus.az xəbər verir ko, istefa verən Mahmud Qurbanovu Şahin Diniyev əvəzlədi. Bununla bağlı "dənizçilər"in kapitanının fikrini öyrənməyi məqsəduyğun saydıq. Görəsən, onların Qurbanovun istefasına münasibəti necədi? Bunda özlərini günahkar sayırlarmı?
"Mahmud müəllimin qəfil istefasını gözləmirdik. Düzdü, çempionatda uğurlu çıxış edə bilməsək də, kubokda yaxşı performans göstərdik. "Səbail"in tarixində ilk dəfə yarımfinala adlandıq. Təbii ki, baş məşqçi istefa verib və ya komandadan göndərilirsə, bu yalnız onun günahı deyil. Eynilə Mahmud müəllimin istefasında komandanın uğursuz çıxışı, turnir cədvəlində sonuncu yerdə qərarlaşması, futbolçuların zəif oynamasının rolu oldu. Amma futbolun əsas qanunlarından biri də budu ki, komanda uğursuz çıxış edirsə, buna görə məsuliyyəti baş məşqçi daşıyır. İstəməzdik belə olsun, amma bu futbolun reallığıdı. Mahmud müəllimə uzun ömür, cansağlığı və gələcək karyerasında uğurlar arzulayıram".
Digər xəbərlər
