"Kadinin başqa kluba keçidinin nə dərəcədə real olduğunu danışıq aparan tərəflər bilər. Mən də məsələni əsasən mətbuatdan izləyirəm. Futbolçu daim bir yerdə qalmır. Heç kimi də zorla komandada saxlamaq olmaz. Bir futbolçunu daha adlı-sanlı, zəngin, güclü klub istəyirsə və əvəzində təzminat ödəməyə hazır olduğunu deyirsə, istər-istəməz onu satmalısan. Avrokubokda "Qarabağ"ı "Gent"lə matç gözlədiyinə görə, təbii ki, Kadi getsə, itki olacaq. Amma məsələyə başqa prizmadan baxsaq, “Kadi meydanda olsa, mütləq qələbə qazanılacaq” kimi təminat da yoxdu. Onu almaq istəyən klub təzminat kimi Ağdam təmsilçisinə 5 milyon avro ödəyəcəksə, o pula ən azı 5 Kadi almaq olar. Düzdü, həmişə belə səviyyəli oyunçular ələ düşmür, amma "Qarabağ"ın seleksiyaçılarının, skautlarının son illərdə tapdığı futbolçular uğurlu olub. Düşünürəm ki, Qurban Qurbanov başda olmaqla, "Qarabağ" rəhbərliyi artıq Kadini əvəzləyəcək futbolçu axtarışındadı".