“Həqiqətən çox gərgin qarşılaşma oldu. Rəqib azlıqda qalandan sonra daha yaxşı oynamağa başladıq. Əvvəlcə hesabı bərabərləşdirdik, sonra önə də çıxdıq. Təəssüf ki, ani diqqətsizlik üzündən qol buraxdıq və qələbəni əldən verdik. Bununla yanaşı, hakim də əleyhimizə qərəzli qərarlar verdi. Vurduğumuz 3-cü qol zamanı qayda pozuntusununun olmadığını düşünürəm. Harda görünüb ki, təmiz qol qeydə alınır, oyuna mərkəzdən başlanılır, bir qədər davam etdirilir, sonra hakim gedib VAR-a baxır? Bildiyim qədər VAR əsasən penalti təyin etmək, qırmızə vərəqə, rəqibin aşkar hücumu zamanı edilən kobudluqları dəqiqləşdirmək üçündü. Bununla ikinci dəfədi referilərin səhv qərarlarının güdazına gedirik. "Turan Tovuz"la kubokun cavab matçında da lehimizə penalti verilmədi. Mövsümə uğursuz start vermişdik. Amma çempionatın gedişində toparlanaraq komanda oyunuyla uğurlu nəticələr əldə etməyə başladıq. Bu gün hər komandaya qarşı mübariz oyun sərgiləmək gücündəyik. Amma təəssüf ki, hər matçda hesabda öndə olarkən hakim səhvləriylə üzləşirik. Bu da həm oyunumuza təsir edir, həm qələbəmizin, həm də xallarımızın əlimizdən alınması ilə nəticələnir”.

“Hələ tam formada deyiləm. Qarşıdan gələn qış təlim-məşq toplanışında daha yaxşı forma yığacam. Çempionatın ikinci yarısında daha baxımlı oyun sərgiləyib, çox qollar vurmaqla komandama fayda vermək istəyirəm. Qol vuranda və ya məhsuldar ötürmə edəndə sevinirəm. Bombardirlik haqda düşünmürəm. Əsas məqsədim komandama faydalı olmaqdı”.

"Kəpəz"in mehriban kollektivi var. Meydanda da maksimum bir-birimizlə anlaşmağa çalışırıq. Təbii ki, qardaşım Yusiflə meydanda eyni vaxtda olmaq, oyun zamanı qarşılıqlı əlaqə mənim üçün əlavə stimuldu”.

“Hər şey mümkündü. Hazırda əsas hədəfim üzərimdə daha çox çalışıb istədiyim formanı yığmaq və "Kəpəz"ə maksimum fayda verməkdi. Yalnız mövsümün sonunda təklifləri dəyərləndirəcəm”.