Fərid Nəbiyevin “Kəpəz”də debütünə “Viktoriya” mane olur - AÇIQLAMA
Misli premyer-liqasının ilk turunun açılış oyunu olan "Kəpəz" - "Zirə" matçından sonra gəncəlilərin baş məşqçisi Yaşar Vahabzadə bəzi futbolçuların transfer vərəqələrinin gəlmədiyini, bu üzdən də onların xidmətindən yararlana bilmədiklərini söylədi.
Football-plus.az xəbər verir ki, həmin oyunçulardan biri də Fərid Nəbiyevdi. Bunu nəzərə alaraq futbolçunun meneceri Vaqif Heydərli ilə danışdıq:
“Fərid "Viktoriya"dan ayrılandan sonra klub öhdəsinə düşən bəzi prosedurları vaxtında yerinə yetirmədi. "Kəpəz"lə bağlı heç bir problem yoxdu. Gəncə təmsilçisi üzərinə düşən bütün işləri görüb. Ümid edirik ki, növbəti oyuna kimi problemlər həll olunacaq və Fərid "Kəpəz"də debüt edəcək".
ABDULLA İSMAYILOĞLU
Digər xəbərlər
