Fransa mətbuatının sürpriz iddiasına görə “Beşiktaş”da yaşanan bəzi olaylar Saissin heç də ürəyincə deyil.

Football-plus.az xəbər verir ki, Şenol Günəşlə münasibətləri ideal olmayan bu futbolçu İstanbul nəhəngindəki qeyri-sabitlikdən və tez-tez məşqçi dəyişdirilməsindən narazıdı! Hər halda, bunu anlamaq olar.

Saissi Türkiyəyə “ağ-qaralar”ın əvvəlki məşqçisi Valerien İsmael gətirmişdi. Mövsümün startından cəmi 3 ay sonra isə bu məşqçi qovuldu. “Foot Mercato”nun yazdığına inansaq, mundialdakı inamlı çıxışından sonra bir çox kollektivlərin diqqətini çəkən Saiss İtaliyanın iki klubundan təklif alıb. Ona Fars körfəzi ölkələrindən də təkliflər çoxdu. Amma karyerasını Fransa və İngiltərədə keçirən, bu yay isə “Beşiktaş”a gələn Saiss hələ bir müddət də Avropada oynamaq istəyir. Türkiyə mətbuatının yazdığına inansaq, “Beşiktaş” rəhbərliyi Saiss ilə bağlı yeni qərar qəbul edib. Belə ki, “Qartal” ciddi təklif gələcəyi halda bu oyunçunu satmağın əleyhinə olmayacaq. Saiss zatən kluba pulsuz gəlib. Onun indiki dəyəri isə 6,5 milyon avrodu.

Onu da bildirək ki, Saiss Fransanın məhşur “Ekip” nəşrinin versiyasına görə DÇ-2022-nin rəmzi “11-liy”inə düşüb.