DÇ-2022-nin ən böyük surprizini reallaşdıraraq yarımfinala qədər irəliləyən Mərakeş yığması ilə ''Beşiktaş'' arasında ciddi narazılıq yaranıb.

Bu narazılığın əsas səbəbkarı Romeyn Saissdi. Bilindiyi kimi, İstanbul nəhənginin bu yay heyətinə qatdığı təcrübəli futbolçu mundialda Mərakeşdə kapitan sarğısını daşıyır və inamlı oyunu ilə diqqəti çəkir. Amma 32 yaşlı futbolçu 1/4 finaldan etibarən zədə ilə bağlı problemlər yaşamağa başladı. O, Portuqaliya ilə qarşılaşmada 2-ci hissənin əvvəllərində meydanı xərəkdə və göz yaşları içində tərk etdi. Saiss matçın ardından bunları demişdi:

Saiss vədinə əməl edərək Fransaya qarşı tarixi yarımfinal görüşündə start heyətində meydana çıxdı. Amma bu riskli addımı ilə o, vəziyyətini və zədəsini daha da qəlizləşdirdi. Nəticədə futbolçu artıq 21-ci dəqiqədə əvəzlənməli oldu. Təbii ki, hadisələri diqqətlə izləyən ''Beşiktaş'' düşərgəsi də çox narahatdı. Saiss Şenol Günəşin mövsümün qalan hissəsi üçün planlarında çox mühüm yer tutur. Ona görə də İstanbul nəhəngi aparıcı oyunçusunu DÇ-yə görə uzun müddətə itirmək istəmirdi. Günəş verdiyi son açıqlamada Saissi Fransaya qarşı oyunda meydana çıxmasına görə tənqid etmişdi. Məşhur mütəxəssis oyunçusunun bu addımı atmaqla həm özünə, həm Mərakeşə, həm də ''Beşiktaş''a ziyan vurduğunu demişdi. ''Beşiktaş'' isə Mərakeş Futbol Federasiyasına bu futbolçunun 3-cü yer uğrunda matçda oynadılmaması üçün rəsmi məktub göndərib! Yəni ''ağ-qaralar'' Saissin oynamasını istəmirmiş.