"Beşiktaş"ın futbolçusu 10 günlük sıradan çıxdı

Türkiyənin "Beşiktaş" klubunun heyətində ciddi itki baş verib.

"Football-plus.az" xəbər verir ki, İstanbul təmsilçisinin yarımmüdafiəçisi Raşid Gezzal sıradan çıxıb.

30 yaşlı futbolçu Türkiyə Super Liqasının 10-cu turunun "Trabzonspor"la matçının 45-ci dəqiqəsində zədələnərək meydanı tərk edib. Əlcəzairli vingerin ən azı 10 gün yaşıl meydanlardan uzaq qalacağı ehtimal edilir.

Qeyd edək ki, Raşid Gezzal 2020-ci ilin yayından "Beşiktaş2da çıxış edir. Təcrübəli futbolçu cari mövsümdə "qara qartallar"ın heyətində meydana çıxdığı 5 matçda 2 qol və 1 məhsuldar ötürmə ilə yadda qalıb.