"Dünya çempionatı maraqlı keçir. Qrup mərhələsi çox vaxt darıxdırıcı olur. Lakin pley-offdan sonra mundialda böyüklər qalır. Bu üzdən artıq bütün görüşlər maraqlı keçir. Qalan komandaların hamısı çempion olmaq potensialındadı. Almaniyanın qrupda qalması və İspaniyanın 1/8 finalda büdrəməsi gözlənilməz idi. Belə sensasiyalardan biri də Mərakeşin yarımfinalda olmasıdı. Lakin oyunlarına baxanda buna sensasiya demək çətindi. Çünki komanda keyfiyyətli futbolçular və baxımlı oyun üslubu ilə seçilir. Kriştiano Ronaldonun finala çıxa bilməməsi üzücüdü. Çox istərdim ki, Portuqaliya - Argentina finalı olsun. Lionel Messi ilə Ronaldonun hər ikisi futbola qazandırdıqlarına görə buna layiqdilər. Yenə də maraqsız olmayacaq. Mərakeş artıq bir çoxlarının sevgisini qazanıb. Avropadan 2, Cənubi Amerika və Afrikadan 1 komanda qalıb. Finalda avropalıların duelini yox, fərqli qitələrin mübarizəsini izləmək daha maraqlı olardı. Argentinanın kuboku almasını istəyərdim. Buna səbəb isə bayaq qeyd etdiyim kimi, Messidi. Lakin Xorvatiya, Fransa və Mərakeş də güclü komandalardı. Gözəl mübarizələr izləyəcəyik".