"Dünya çempionatı hamının səbirsizliklə görüşdüyü yarışdı. Mən də vaxtım olduqca oyunlara baxıram. Bu mundialda bir çox matçları izləmişəm. Olduqca maraqlı və qeyri-adi nəticələrin qeydə alındığı turnirə şahidlik edirik. Düşünürəm ki, Braziliya mundialda çox yaxşı çıxış edir. Uşaqlıqdan bu komandaya azarkeşlik edirəm. Portuqaliyanı da dövlət olaraq sevirəm. Hər iki komandanın yaxşı nəticələr əldə edəcətinə ümid edirəm. Lakin Mərakeş yığması öz oyunu ilə sürprizlərə imza atıb. Çox yaxşı oyun sərgiləyirlər. Bu səbəbdən də kimin çempion olacağını söyləmək o qədər də asan deyil. Buna baxmayaraq, əla mundiala şahidlik edirik. Braziliya və ya Portuqaliya çempion olsa, sevincimin həddi-hüdudu olmayacaq".