"Qrup mərhələsində bəzi sürprizlər yaşandı. Xüsusilə də ilk turda Səudiyyə Ərəbistanının Argentina üzərində qələbəsi gözlənilməz oldu. Yaponiyanın Almaniyanı yenməsini və Mərakeşin qrup lideri olmasını da qeyd etməliyik. Lakin gedişat afrikalıların sürpriz yox, güclü komanda olduğunu göstərdi. Döyüşkən kollektivdi və usta futbolçulara malikdilər. Dünən Portuqaliya üzərində qələbə ilə bunu bir daha sübut etdilər. Mərakeş İspaniyanı penalti seriyasında mübarizədən kənarlaşdıranda çoxları bunun təsadüf olduğunu düşünürdü. Lakin Portuqaliya üzərində qələbə ilə bu fikirlər dağıldı. Braziliyanın erkən vidası da sürpriz oldu. Əsas favoritlərdən olan komandanın belə tez dayanmasını heç kim gözləmirdi. Özümün də çempionluq namizədim 5 qat dünya çempionları idi. Həmçinin Portuqaliyadan qalibiyyət gözləyirdim. Lakin hər iki favoritim yarımfinaldan kənarda qaldı. Ən yaxşı komanda olaraq Fransanı qeyd edərdim".