“Dünya çempionatı çox maraqlı davam edir. Bu, Səudiyyə Ərəbistanının Argentina üzərində qələbəsi ilə başladı. Hazırda ən formada olan komandalar Fransa və Braziliyadı. Həm sürətli oynayırlar, həm dinamikdilər. Hər iki kollektivi xüsusi fərqləndirmək olar. Hər kəs İspaniyanı 1/4 finalda görürdü. Lakin Mərakeş sona qədər gözəl mübarizə apardı. İspaniya kəsərli hücumlar qurmaqda çətinlik çəkirdi. Burda afrikalıların müdafiəsini də qeyd etmək lazımdı. Növbəti mərhələyə Mərakeşin çıxması sürpriz oldu. Lakin yaxşı formalaşmış heyətləri var. Futbolçuları Avropanın top klubunda çıxış edir. İspanları keçən komanda növbəti turlarda da uğurlu çıxış edə bilər. Hər kəs Argentina - Portuqaliya finalını görmək istəyir. Daha çox Messi - Ronaldo dueli maraqlıdı. Futboldu, necə olacağını bilmək olmaz. Lakin məncə, favoritlər Fransa və Braziliyadı”.