"Builki planımızda 6 təlim-məşq toplanışı var. Hazırda 5-ci toplanışı keçiririk. 11 gün davam edəcək. Üç yoxlama görüşü nəzərdə tutmuşuq ki, ikisi baş tutub. "Neftçi" (1:0) və "Sabah"ın (1:1) U-17 komandaları ilə gücümüzü sınamışıq. Noyabrın 30-da isə "Qarabağ"ın bu yaş qrupu ilə qarşılaşacağıq. Bizi nəticə yox, futbolçuların potensialını üzə çıxarmaq maraqlandırır. Həmişə yeni oyunçular axtarışındayıq. Hazırkı toplanışa da 6-7 yeni futbolçu cəlb etmişik. Yoxlama matçlarında hər hissədə meydana fərqli heyət buraxdıq. Yetirmələrimin çıxışından məmnunam, potensiallı uşaqlarımız çoxdu. Daha öncə Latviya, Özbəkistan və Türkiyə milliləriylə də qarşılaşmışıq. Toplanışların bizə çox faydası oldu. Əminliklə deyə bilərəm ki, artıq heyət böyük ölçüdə komplektləşib. Dekabrda daha bir toplanış olacaq. Bütün oyunçuları yaxından izləyirik. Gələn ay da yeni oyunçulara dəvət göndərəcəyik. 2023-cü ildə komanda U-17 olacaq və rəsmi oyunlara çıxacaq. Futbolçularımda inkişaf gözə dəyir. Əsas məqsədlərimizdən biri də milli komanda üçün futbolçu yetişdirməkdi. Əlimin altında olan futbolçuların böyük potensialı var".