Füzuli Məmmədov komanda formalaşdırır - AÇIQLAMA
16 yaşadək futbolçulardan ibarət milli mayn 18-dən 27-dək təlim-məşq toplanışı keçirdi.
Qəbələdə baş tutan hazırlıq çərçivəsində yığma Latviya ilə 2 yoldaşlıq oyununa çıxdı. Mayın 25-də keçirlən ilk qarşılaşmada Füzuli Məmmədovun çalışdırdığı komanda rəqibi 3:0 hesablı darmadağınla məğlub etdi. 27-də baş tutan oyunda isə 1:1 hesablı heç-heçəyə razılaşdı.
Həm təlim-məşq toplanışı, həm də yoldaşlıq oyunları ilə bağlı Füzuli Məmmədovun fikirlərini öyrənməyi lazım bildik. Mütəxəssisin "Football-plus.az" saytına açıqlaması belə oldu:
"10 günlük toplanş başa çatdı. 25 futbolçu dəvət etmişdik. Latviya millisi ilə iki oyun bizi gözləyirdi. Mayın 18-də toplaşdıq. 25-nə kimi 1 həftəlik hazırlıq keçdik. Yoxlama görüşləri mayın 25-i və 27-si üçün nəzərdə tutulmuşdu. Əsas məqsədimiz bu matçlar yox, U-16-nı formalaşdırmaq idi. Bu yaş qrupunda ilk beynəlxalq oyuna çıxırdıq. İlk hissədə uşaqlar bir az həyəcanlı idi. Ancaq ikinci yarıda ürəyimcə oyun nümayiş etdirdilər. İkinci qarşılaşmada isə futbolçularda bir az yorğunluq hiss edilirdi. Çünki aradan cəmi 1 gün keçmişdi. Maksimum çalışdıq ki, onları bu duelə tam gümrah şəkildə çıxaraq. İstər-istəməz yenə də yorğunluq oldu. Bu səbəbdən də futbolçuları matç başladıqdan sonra əvəzlədik ki, meydanda az olan uşaqlar da oynasın. Amma bu oyunda istədiyim performansı ala bilmədim. Oyunçulardan gözləntilərim tam başqa idi. Ən azı onlar üçün böyük təcrübə oldu. Belə beynəlxalq yoldaşlıq görüşləri futbolçular üçün çox xeyirlidi. Gələcəkdə onları rəsmi matçlar gözləyir. Ümumilikdə toplanış uğurlu oldu. Bu yaş qrupu ilə növbəti toplanış avqustda olacaq".
SƏNƏM FƏRHADOVA
