"Zirə"nin stadionla bağlı etirazına "Mingəçevir" rəsmisindən sərt reaksiya
"Zirə" Azərbaycan kubokunun 1/8 finalında "Mingəçevir"in qonağı olacaq.
"Football-plus.az" xəbər verir ki, "qartallar" oyunun keçiriləcəyi arenanın dəyişdirilməsi üçün PFL-ə müraciət etsə də, qurum bunu rədd edib. Rəşad Sadıqov stadionun ot örtüyünün durumunun yaxşı olmadığını əsas gətirib. Görəsən, "Mingəçevir" rəhbərliyi məsələ ilə bağlı nə düşünür? "Zirə"nin etirazına münasibətləri necədi? Suallarımızı klubun idarə heyətinin sədri Rövşən Əhmədova ünvanladıq:"Zirə"nin nümayəndəsi Mingəçevirə qalmağa yer baxmaq üçün gəlmişdi. Stadionun çıxışında onlarla görüşdük. Mən bilmirdim ki, ot örtüyünə baxmağa gəliblər. Bizə irad bildirmədilər. Bu ildən 1-ci divizionda iştirak edirik. Hələ tam formalaşmamışıq. Ola bilər ki, stadionumuzda problem var. Amma PFL rəsmisi oyunun burda keçirilməsinə qərar veribsə, başqa şeylərə fikir vermək lazım deyil. Burda bizə qarşı hörmətsizlik olmayıb ki, məsələni qloballaşdıraq. Ümumiyyətlə, heç vaxt icazə vermərəm ki, kimsə Mingəçevirə qarşı hörmətsizlik etsin. Şəhərimizi, stadionumuzu, komandamızı aşağılasın. Yenə deyirəm, qərarı PFL verir. Qurumun da fikri hamıya bəllidi".
İLKİN SULTANLI
Digər xəbərlər
