"Mingəçevir" niyə AFFA-nın qəzəbinə tuş gəlib?
AFFA Intizam Komitəsi növbəti qərarlarını açıqlayıb. Həmin qərarlardan biri də divizionun 3-cü turunun “Mingəçevir” – “Qarabağ-2” oyununda AFFA nümayəndəsi, hakim və inspektor üçün stadion tərəfindən otaq təqdim olunmadığına görə “Mingəçevir”in 80 manat cərimə olunmasıdı.
"Football-plus.az" saytı olaraq bu məsələni aydınlaşdırmaq üçün “Mingəçevir”in İdarə Heyətinin üzvü Ruslan Həmidovla əlaqə saxladıq:
"Hazırda stadionumuzda oturacaqlar yenilənir, otaqlar təmir olunur. Hakim, inspektor və nümayəndələr üçün nəzərdə tutulan otağı da təmir edirik. Son 10 gündə təmirlə bağlı gücləndirilmiş iş rejimindəyik. Sağ olsunlar, stadionun təmiriylə bağlı İcra başçısı, bələdiyyə sədri Ramiz Əliyev, "MRT İnşaat"ın rəhbəri Vüqar Qədimov, iş adamları Şəhriyar Mustafayev, Arif Babayev və adlarının açıqlanmasını istəməyən digər imkanlı şəxslər də köməyini əsirgəmir. Növbəti oyuna kimi bütün otaqlar hazır olacaq".
ABDULLA İSMAYILOĞLU
Digər xəbərlər
