Hakan Şükür "Qarabağ" haqda danışdı - VİDEO
Türkiyə millisinin və "Qalatasaray"ın sabiq futbolçusu Hakan Şükür “Qarabağ” barədə danışıb.
Football-plus.az xəbər verir ki, sosial şəbəkədə canlı yayım açan sabiq ulduz futbolçu Azərbaycan təmsilçisinin Çempionlar Liqasındakı çıxışına münasibət bildirib.
O, “Qarabağ” yaxşı oynadığını və Filip Ozobiçin pley-off mərhələsində Çexiyanın “Viktoriya” klubuna vurduğu qolu tərifləyib:
“Qarabağ” “Viktoriya” oyununa baxdım və pley-off-dakı mübarizəni uduzmaqlarına üzüldüm. Bir az səhvlər etdilər. Uduzmaq çox pisdi. “Qarabağ”ın Avropa Liqasında yaxşı yerlərə gələcəyinə inanıram. Filip Ozobiç əla qol vurdu. Azərbaycan klubunun futbolçusu Toral Bayramovun adının “Qalatasaray”la hallanması səbəbindən onu izlədim. Çox gözəl futbol oynayır və ayaqlarına sahib futbolçudu”.
Hakan Şükür Şahruddin Məhəmmədliyevin səhvindən söz açıb:
“Qapıçının oyuna çox qoşulmadığı anlarda bəzən problemlər olur. Cərimə meydançasının sonuna qədər topa çıxmaq ciddi xətadı. Ora getdinizsə, topu mütləq tutmalısınız. “Viktoriya”nın çox uzun hədəfləri olmayacaq. “Qarabağ” qruplara qalsaydı, daha yaxşı olardı. Çünki buna layiq idilər”.
Digər xəbərlər
