“Görünür, artıq futboldan üzüsulu ayrılmaq istəyir” – Emin Mahmudov yığma üçün bitmişdi?

“Təbii ki, bu qərarın səbəbini ən yaxşı Emin Mahmudov özü bilər. Millidə oynamağı dayandırmağı lazım bilibsə, deməli, bunu düşünüb və özü belə qərar verib. Məncə, son vaxtlar istər klubda, istərsə də millidə ehtiyatda qalması da bu qərara təsir göstərib. Görünür, artıq futboldan üzüsulu ayrılmaq istəyir. Hesab edirəm ki, hər bir futbolçu karyerasını vaxtında və layiqiincə başa vurmağı bacarmalıdı. Emin Mahmudov kimi futbolçuların Azərbaycan futbolunda öz statusu və qazandığı nüfuz var. Belə oyunçular imicinə xələl gətirməmək üçün vaxtında düzgün qərar verməlidilər”.