UEFA Çempionlar Liqasının I təsnifat mərhələsinin cavab oyunlarını tribunalardan izləyən azarkeşlərin sayı açıqlanıb.

"Football-plus.az" xəbər verir ki, ən çox azarkeş Bakıda baş tutan "Qarabağ" - "Lex" matçında qeydə alınıb. Tofiq Bəhramov adına Respublika stadionunda keçirilən görüşü 27 min 652 fanat izləyib.

İkinci pillədə 20 022 tamaşaçı ilə "Dinamo" (Batumi, Gürcüstan) - "Slovan" (Bratislava, Slovakiya) matçı yer alıb. İlk "üçlüy"ü "Ferentsvaroş" (Macarıstan) - "Tobol" (Qazaxıstan) görüşü tamamlayıb - 17 347.

"Qarabağ" "Lex"ə ilk oyunda 0:1 hesabıyla uduzsa da, cavab matçında rəqibini 5:1 hesabıyla məğlub edərək II təsnifat mərhələsinə yüksəlib. Buradakı rəqib İsveçrə çempionu "Sürix" olacaq. İlk mat iyulun 19-da Bakıda, cavab görüşü isə 27-də İsveçrədə olacaq.