Vitse-prezidentlikdən getdi, fəxri səfir olacaq

Stenli kubokunun altıqat qalibi Kevin Lou “Edmonton”un vitse-prezidenti postunu tərk edib.

"Football-plus.az" xəbər verir ki, o, klub strukturunda qalacaq, sadəcə, bundan sonra fəxri səfir rolunu yerinə yetirəcək.

Lou hokkey karyerasının böyük hissəsinin “Oylerz”in heyətində keçirib, bir neçə il də “Reyncers”in şərəfini qoruyub. Müdafiəçi MHL-də keçirdiyi 1254 oyunda 431 (84+347) xal toplayıb. Lou Stenli kubokunu 5 dəfə “Edmonton”la, 1 dəfə isə “Reyncers”lə qazanıb. Karyerasını bitirəndən sonra “neftçilər”in strukturunda çalışıb, müəyyən müddət baş məşqçinin və baş menecerin səlahiyyətlərini yerinə yetirib. 63 yaşlı Lou 2020-ci ildə Torontodakı Hokkeyin Şöhrət zalına salınıb.