Bu arada ''Fatih Karagümrük''lə bağlı Türkiyə mətbuatında gözlənilməz şayiə yayılıb.

Belə ki, oynamağa stadion tapa bilməyən İstanbul təmsilçisi çempionatdan çəkilə bilər.

Xatırladaq ki, bu yay baş məşqçi postuna dünyaca ünlü Andrea Pirlonu gətirən kollektiv ötən mövsüm ev oyunlarını ''Atatürk Olimpiya''da keçirirdi. Klub prezidenti Süleyman Hurma vəziyyətin ciddiliyini təsdiqləyib. Amma o, stadion tapa bilməyəcəkləri halda özünün istefa verəcəyini deyib: ''Son 4 ildə bütün çətinliklərə rəğmən, önəmli uğurlar qazanmışıq. Təkcə Pirlonun baş məşqçi kimi klubumuza gəlməsi dünyanın 103 ölkəsində xəbər oldu. Ölkəmizi bu cür şəkildə tanıtmaq bizim üçün böyük qürurdu. Amma 1926-cı ildə yaranan və şanlı tarixə malik olan bir klub kimi bizə başqaları ilə eyni səviyyədə şərait yaradılmır. Uzun müddətdi bir çox instansiyalara müraciət edərək klubumuz üçün baza və stadion ayrılmasını tələb etmişik. Hər gün bir stadionda məşq etmək məcburiyyətində qalırıq. Bu çox üzücü və insanın qürurunu zədələyən durumdu. Bu problem üzündən bir çox oyunçu bizə gəlməkdən imtina etdi. Mən Türkiyə futboluna bir çox önəmli isimlər qazandırmışam. Amma həmin klublarda yaxşı şərait var idi. ''Fatih Karagümrük'' isə mənim öz klubumdu və burda işləmək üçün normal şərait qura bilməmək məni çox üzür. Başa düşürəm ki, İstanbulda yeni stadionun tikilməsi üçün ərazi tapmaq çətin məsələdi. Amma bu problemə bir çarə tapmaq lazımdı. Həvəsdən düşməməyə çalışıram və bir müddət də əlimdən gələni edəcəm. Amma ortada bir nəticə olmasa, başqanlığı buraxaraq klubu başqalarına təhvil verəcəm''.

ƏLİ