“Mançester Yunayted” ilə “Ayaks” arasında aparılan danışıqlar sona çatıb. İngiltərə klubu Lisandro Martinesin transferini rəsmiləşdirib.

Football-plus.az xəbər verir ki, klubların saytı keçidlə bağlı məlumat yayıb. Lakin 24 yaşlı müdafiəçi ilə imzalanan müqavilənin detallarını yalnız “Ayaks” açıqlayıb. Amsterdam klubunun mətbuat xidmətinin məlumatıma görə isə, MY Martines üçün 57,37 milyon avro təzminat və müəyyən şərtlər daxilində 10 milyon avro bonus ödəyəcək. Argentinalı futbolçunun müqaviləsi 5 illiyə nəzərdə tutulub.

Lisandro müdafiənin mərkəzində və sol cinahında, həmçinin yarımmüdafiənin mərkəzində oynamağı bacarır. O, ötən mövsüm bütün turnirlərdə meydana çıxdığı 36 matçda 1 qol vurub və 3 məhsuldar ötürmə edib. Universal müdafiəçi bu yay MY-yə qoşulan 3-cü futbolçudu. İngiltərə nəhəngi ondan əvvəl heyətinə Tirell Malasiyanı və Kristian Erikseni cəlb edib.