Din Hendersonla bağlı son günlər yayılan xəbər rəsmi təsdiqini tapıb.

“Mançester Yunayted” qapıçısını “Nottingem Forest”ə icarəyə verib.

Qeyd edək ki, Nottingem klubu ötən mövsüm 1999-cu ildən sonra ilk dəfə premier-liqaya yüksəlib. MY İngiltərə millisinin də üzvü olan Hendersonu 6-cı dəfə icarəyə verib: 25 yaşlı əlcək sahibi daha əvvəl bu status ilə “Stokport”, “Qrimsbi Taun”, “Şrüsberi” və iki dəfə “Şeffild Yunayted”in qapısını qoruyub.

İngiltərə klubuna yeni oyunçu da qoşulub. “Feyenoord”un müdafiəçisi Tirell Malasia, gözlənildiyi kimi, Mançesterə gəlib. O, MY ilə müddəti 2026-cı ilin yayına qədər nəzərdə tutulan müqavilə imzalayıb. Anlaşmanın müddətinin sonradan daha bir illiyə uzadılması variantı da var. Böyük Britaniya mənbələri “Yunayted”in bu transfer üçün 15 milyon avro ödədiyini xəbər verib. “Feyenoord”un bonus kimi daha 2 milyon avro irəli düşmək şansı da olacaq. Qeyd edək ki, 22 yaşlı Tirell ötən mövsüm “Feyenoord”da bütün turnirlərdə 50 matç keçirib, 1 qol vurub və 5 məhsuldar ötürmə edib.