"Artıq "Qəbələ" ilə matç haqda düşünəcəyik" - "Fehervar"ın baş məşqçisi
"Təlim-məşq toplanışında keçirdiyimiz yoxlama oyunlarının içərisində ən çox razı qaldığım bu görüş oldu. Daha çox qol vura bilərdik. Əsas odur ki, “Qalib gəldik”.
"Footbal-plus.az" xəbər verir ki, bu sözləri Konfrans Liqasının 2-ci təsnifat mərhələsində “Qəbələ”nin rəqibi olan Macarıstanın "Fehervar"ın baş məşqçisi Mixael Boris "Qalatasaray" qalib gəldikləri (1:0) yoxlama oyunu ilə bağlı danışarkən deyib.
47 yaşlı mütəxəssis klubun rəsmi saytına açıqlamasında bundan sonra “Qəbələ” ilə görüş haqda düşünəcəklərini bildirib: "Beynimdə start heyəti formalaşdırmağa başlamışam. Hətta əvəzedicilərə də çox ehtiyacımız olacaq. Hazırlıq prosesini planlaşdırılandan bir gün əvvəl başa vururuq. Çünki oyunçuların bir az istirahətə ehtiyacı var".
Qeyd edək ki, "Qəbələ" "Fehervar"a qarşı ilk oyununu iyulun 21-də səfərdə, cavab matçını isə bir həftə sonra evdə keçirəcək.
