Yunis Hüseynov: “Qorxmaq lazım deyil"
"Qarabağ" bu gün Çempionlar Liqasının yeni mövsümündə ilk matçına çıxacaq.
Ağdam təmsilçisi səfərdə "Lex"lə qarşılaşacaq. "Football-plus.az" saytı olaraq "Qarabağ"ın bugünkü oyunda hansı nəticə göstərəcəyi ilə bağlı Yunis Hüseynovun fikirlərini öyrəndik: "Lex" Polşanın köklü klublarındadı. Hazırda isə ölkəsinin ən güclü komandasıdı desək, yanılmarıq. Klublarımızın "Lex"ə qarşı görüşləri həmişə çətin keçib. Baş məşqçi kimi həm "Karvan"a, həm də "Xəzər Lənkəran"a rəhbərlik etdiyim vaxtlarda "Lex"lə avrokubokda rəqib olub, ağır oyunlar keçirmişik. Təəssüf ki, hər iki halda sonda üzügülən tərəf biz olmamışıq. Bu gün Poznanda "Qarabağ"ı çətin sınaq gözləyir. Amma qorxmaq lazım deyil, "köhlən atlar" yaxşı formadadı. Düşünürəm ki, iki oyunun nəticəsinə görə sevinən tərəf "Qarabağ" olacaq”.
ABDULLA İSMAYILOĞLU
Digər xəbərlər
