Yunis Hüseynov yığmanın oyununda inkişaf görür – AÇIQLAMA
Millimiz dünən Belarusla matçda ilk xalını qazansa da, ümumilikdə uğursuz seriyası davam edir.
Belə ki, ölkənin əsas komandası 12 oyundu qələbəyə, 4 görüşdü qola həsrətdi.
"Football-plus.az" saytı olaraq komandanın “qara zolaq”da ilişib qalması ilə bağlı mütəxəssis fikri öyrəndik.
Yunis Hüseynov: “Belarus yığması güclü rəqib deyildi. Onlarla oyunda üstün olduğumuzu düşünürəm. Yeganə çatışmazlıq qol vura bilməməyimiz oldu. Ümumilikdə yığmanın oyun planında inkişaf hiss olunur. Meydanda yaradıcılıq görünür. Fərdi qiymətləndirsəm, Renat Dadaşov hər iki matçda yaxşı performans sərgilədi. Dünənki oyunda Renatla Ramil tez əvəzləndi. Hər iki futbolçu rəqib müdafiəsini təzyiqdə saxlamağı bacarır. Düşünürəm ki, onlardan birini sona qədər oynatmaq olardı. Əsas çatışmazlıq qol imkanlarını dəyərləndirə bilməməkdi. Bunun üzərində çalışmaq lazımdı. Belə olarsa, qollar və qələbələr gələcək".
ABDULLA İSMAYILOĞLU
