Yunis Hüseynov klublarımızın bəxtinin gətirmədiyini düşünür - AÇIQLAMA
Ölkəmizi Çempionlar Liqası ilə Konfrans Liqasında təmsil edəcək klublarımızın rəqiblərinin adlarına aydınlıq gəldi. "Qarabağ" Polşa çempionu "Lex", "Neftçi" Kiprin "Aris", "Qəbələ" Macarıstan "Fehervar", "Zirə" İsrailin "Makkabi" (Təl-Əviv) klubu ilə qarşılaşacaq.
"Football-plus.az" saytı olaraq təmsilçilərimizin şanslarını dəyərləndirməsi üçün Yunis Hüseynovla əlaqə saxladıq. Təcrübəli mütəxəssis "Zirə"nin işinin çətin olacağını dilə gətirdi:
"Məsələyə reallıq prizmasından baxsaq, püşk atmada bəxtimiz gətirmədi. Hər 4 klubumuza çətin rəqiblər düşüb. Əvvəla "Lex"dən başlayaq. Son illərdə həm Polşa klubları, həm də futbolçuları xeyli inkişaf edib. Onlarla oyunlarımız həmişə ağır keçib. İnanıram ki, "Qarabağ" həm heyəti, həm də beynəlxalq təcrübəsi sayəsində "Lex"i üstələyəcək.
"Neftçi"in qarşılaşacağı "Aris" digər klublarımızın rəqibləriylə müqayisədə daha münasib komandadı. Amma "ağ-qaralar"ın sükanı arxasında hansı baş məşqçinin olacağına aydınlıq gəlməyib. Bu, komanda üçün ayrıca problem yarada bilər. Çünki, yeni məşqçi ilə futbolçular arasında koordinasiyanın qurulması, onun oyun fəlsəfəsinə uyğunlaşma vaxt aparan prossesdi. Ölkənin köklü klubu baş məşqçi məsələsini tezliklə həll etsə yaxşıdı.
"Qəbələ"nin vəziyyəti malliyə və heyət sarıdan ürəkaçan deyil. Bununla belə, komanda 2 dəfə Avropa Liqasının qrupunda oynayıb. Bunun özü futbolçulara meydanda döyüşmək üçün motivasiya olmalıdı. "Qırmızı-qaralar"ın heyətində avrokubok təcrübəsi olan oyunçular var. "Qəbələ" yaxşı mənada hamını təəccübləndirən komandadı. Onlar yola saldığımız mövsümdə yaradıcı oyunları ilə Konfrans Liqasına vəsiqə qazanıbsa, deməli həmin turnirdə də uğur qazana bilər.
"Zirə"yə ən çətin rəqib düşüb desək, yanılmarıq. "Makkabi" (Təl-Əviv) Çempionlar Liqası və Avropa Liqasının qrupunda dəfələrlə oynamış komandadı. İsrail təmsilçisi ölkəmizin flaqmanı olan "Qarabağ"ı da üstələməyi bacarıb. Düşünürəm ki, rəqibin adı-sanı "Zirə" futbolçularını qorxutmayacaq. Rəşad Sadıqov güclü rəqiblərə qarşı oynamağı sevən və nəticə göstərən baş məşqçidi.
Hər 4 klubumuza avro kuboklarda uğurlar arzu edirəm".
"Neftçi"in qarşılaşacağı "Aris" digər klublarımızın rəqibləriylə müqayisədə daha münasib komandadı. Amma "ağ-qaralar"ın sükanı arxasında hansı baş məşqçinin olacağına aydınlıq gəlməyib. Bu, komanda üçün ayrıca problem yarada bilər. Çünki, yeni məşqçi ilə futbolçular arasında koordinasiyanın qurulması, onun oyun fəlsəfəsinə uyğunlaşma vaxt aparan prossesdi. Ölkənin köklü klubu baş məşqçi məsələsini tezliklə həll etsə yaxşıdı.
"Qəbələ"nin vəziyyəti malliyə və heyət sarıdan ürəkaçan deyil. Bununla belə, komanda 2 dəfə Avropa Liqasının qrupunda oynayıb. Bunun özü futbolçulara meydanda döyüşmək üçün motivasiya olmalıdı. "Qırmızı-qaralar"ın heyətində avrokubok təcrübəsi olan oyunçular var. "Qəbələ" yaxşı mənada hamını təəccübləndirən komandadı. Onlar yola saldığımız mövsümdə yaradıcı oyunları ilə Konfrans Liqasına vəsiqə qazanıbsa, deməli həmin turnirdə də uğur qazana bilər.
"Zirə"yə ən çətin rəqib düşüb desək, yanılmarıq. "Makkabi" (Təl-Əviv) Çempionlar Liqası və Avropa Liqasının qrupunda dəfələrlə oynamış komandadı. İsrail təmsilçisi ölkəmizin flaqmanı olan "Qarabağ"ı da üstələməyi bacarıb. Düşünürəm ki, rəqibin adı-sanı "Zirə" futbolçularını qorxutmayacaq. Rəşad Sadıqov güclü rəqiblərə qarşı oynamağı sevən və nəticə göstərən baş məşqçidi.
Hər 4 klubumuza avro kuboklarda uğurlar arzu edirəm".
ABDULLA İSMAYILOĞLU
Digər xəbərlər
