Sənan Qurbanov: "Rəşad Sadıqovu olduqca çətin sınaq gözləyir"
Ölkəmizi Çempionlar Liqası ilə Konfrans Liqasında təmsil edəcək klublarımızın rəqiblərinin adlarına aydınlıq gəldi.
"Qarabağ" Polşa çempionu "Lex", "Neftçi" Kiprin "Aris", "Qəbələ" Macarıstan "Fehervar", "Zirə" İsrailin "Makkabi" (Təl-Əviv) klubu ilə qarşılaşacaq.
"Football-plus.az" saytı olaraq klublarımızın şanslarını dəyərləndirməsi üçün Sənan Qurbanovun fikirlərini öyrəndik:
"Digər illərlə müqayisdə bu dəfə Çempionlar Liqasının 1-ci təsnifat mərhələsində "Qarabağ"a çətin rəqib düşüb. Söz yox ki, "köhlən atlar"ın avrokuboklarda kifayət qədər təcrübəsi var. Amma polşalılarla ölüm-dirim savaşı olacağını indidən söyləmək olar. "Zirə"nin də bəxtinə çox güclü rəqib düşüb. Qəsəbə təmsilçisinin avrokuboklarda təcrübəsinin az olduğunu nəzərə alsaq, Rəşad Sadıqovu olduqca çətin sınaq gözləyir. "Fehervar" ilə "Aris" dişimizə görə rəqibdi. Ona görə "Neftçi" və "Qəbələ"nin mərhələ keçmək şansları çoxdu. Sadəcə, "qırmızı-qaralar" heyətini 2-3 səviyyəli futbolçularla gücləndirsə, daha yaxşı olar. İnanıram ki, klublarımızın hamısı ən azı ilk mərhələdə üzü gülən tərəf olacaq. Komandalarımıza uğurlar arzulayıram".
ABDULLA İSMAYILOĞLU
Digər xəbərlər
