Lyuk de Yonq özünü çətinə salıb.

FİFA onu cəzalandıra bilər. Buna Niderland yığmasının hücumçusunun “Toluka”ya keçməkdən boyun qaçırması şərait yaradıb. Halbuki De Yonq bu klubla rəsmi müqavilə bağlayıb. “Toluka” müqavilənin surətini FİFA-ya təqdim edib. Ali futbol təşkilatı Lyuka sanksiya tətbiq edəcəyi halda 31 yaşlı futbolçu bu ilin sonunda keçiriləcək dünya çempionatını buraxa bilər.

O, son mövsümü “Sevilya”nın oyunçusu kimi icarə əsasında “Barselona”da keçirib. Bu komandaya La Liqada meydana çıxdığı 21 oyunda 6 qolla faydalı olub.