Konfrans Liqasının II təsnifat mərhələsində "Neftçi"nin rəqibi olan "Aris" heyətini yeni futbolçu ilə gücləndirib.

"Football-plus.az" Kipr təmsilçisinin saytına istinadən xəbər verir ki, slovakiyalı yarımmüdafiəçi Yulius Syoke ilə müqavilə imzalanıb. Limassol klubu 27 yaşll yarımmüdafiəçi ilə sözləşməsinin müddətini açıqlamayıb.

Ötən mövsümü İsrailin "İroni" (Kryat Şmona) klubunda keçirən orta xətt oyunçusu 15 matçda 1 qol ötürməsi ilə yadda qalıb.

"Neftçi" "Aris"lə ilk oyununu iyulun 21-də səfərdə, cavab görüşünü iyulun 28-də evdə keçirəcək.