“Neftçi”nin təcrübəsiz rəqibi “Aris”
Cari avrokubok mövsümündə “Neftçi”nin Konfrans Liqasının 2-ci təsnifat mərhələsində rəqibi olacaq “Aris”i sizlərə tanıtmaq istəyirik.
Kipr təmsilçisinin əsası 1930-cu ildə qoyulub. Bu il onlar 92 yaşını qeyd edir. Limassol şəhərini təmsil edən klub ev oyunlarını 13 331 nəfər azarkeş tutumuna malik “Tsirion Stadionu”nda keçirir. “Aris”in məşhur ləqəbi “yüngül briqada”dı. “Neftçi”nin rəqibi avrokuboklara yerli çempionatda 4-cü pilləni tutaraq yollanıb. Məşhur “transfermarkt.com” portalında qeyd olunanlara inansaq, “Aris”in futbolçularının ümumi transfer dəyəri 13, 45 milyon avrodu.
Komandanın ortalama yaş həddi 27,3-dü. “Yaşıl-ağlar”ın ən dəyərli oyunçusu hücumçu Marius Stepinskidi. 27 yaşlı polşalının transfer bazarında qiyməti 2,5 milyon avrodu. Belarus millisinin futbolçusu Yevgeni Yablonskinin isə bazar dəyəri 1,25 milyon avro qiymətləndirilir. Hansı ki, hər iki futbolçunun yetərincə zəngin avrokub təcrübəsi var.
“Aris”də isə vəziyyət oyunçularında fərqlidi. Limassol təmsilçisi 1989/90 mövsümündə Kipr Kubokunu qazanıb. Yerli çempionatda titulu yoxdu. Ölkənin 1-ci divizionunda isə 5 dəfə qalib olub.
SƏNƏM FƏRHADOVA
