“Xan Lənkəran” hələ qərar verməyib - AÇIQLAMA
AFFA-nın təşkil etdiyi Region Liqasının gümüş mükafatçısı olan “Xan Lənkəran”ın növbəti mövsüm 1-ci divizionda çıxış etmək ehtimalı var idi.
Belə ki, iki gün öncə AFFA-nın İcraiyyə Komitəsinin iclası keçirildi. Toplantıda “Xan Lənkəran”la bağlı da qərarın veriləcəyi ehtimal olunurdu. Lakin qurum, ümumiyyətlə, bu məsələni müzakirə etmədi.
Görəsən, onların hələ də növbəti mövsüm 1-ci divizionda çıxış etməyə ümidləri var? Məsələ ilə bağlı Lənkəran təmsilçisinin baş məşqçisi İbrahim Uzunca ilə əlaqə saxladıq. Onun “Football-plus.az” saytına açıqlaması belə oldu: “Ürəyim çox istəyir ki, “Xan Lənkəran”ı da, layiq olan bütün komandaları da 1-ci diviziona buraxsınlar. Çünki nə qədər çox komanda olarsa, o qədər də oyunçu sayı artacaq və Azərbaycan futbolunda daha çox oyunçu yetişəcək. Ümid edirəm ki, AFFA-dan sağlam bir qərar çıxar. Azərbaycanlı gənclərə imkan açılar. Ürəkdən istəyirəm ki, yalnız “Xan Lənkran” yox, bizim kimi azarkeşi, stadionu, sponsoru olan bütün komandalar 1-ci divizionda çıxış etsin. AFFA-dan xahişim budu ki, oyunçular küçələrdə, orda-burda boş qalmasınlar. Bir futbol adamı kimi ürəyim buna razı olmur. Xahiş edirəm, azərbaycanlı futbolçular üçün komanda sayı çoxalsın, onlara imkan yaransın. “Xan Lənkəran”ın Region Liqasında çıxışını davam etdirib-etdirməyəcəyi də hələ bəlli deyil. Bu haqda qərarı rəhbərlik verəcək. Davam etməli olsalar və mənə “gəl” desələr, “Xan Lənkəran”la bir yerdə olacam”.
ŞAİR ABDULLA
Digər xəbərlər
