Cavid Hüseynov “Cəbrayıl”la bağlı bu qərarı verib – AÇIQLAMA
AFFA-nın təşkil etdiyi Region Liqasının qalibi olan “Cəbrayıl”ın növbəti mövsüm 1-ci divizionda çıxış etmək ehtimalı var idi.
Gözlənilirdi ki, 2 gün öncə keçirilən İcraiyyə Komitəsinin iclasında “Cəbrayıl”ın məsələsi ilə bağlı da qərar verilsin. Lakin qurum, ümumiyyətlə, bunu müzakirə etmədi.
Cavid Hüseynovun bu haqda fikirləri maraqlıdı. Görəsən, hələ də növbəti mövsüm 1-ci divizionda çıxış etməyə ümidləri var? Klubun prezidenti və baş məşqçisinin “Football-plus.az” saytına açıqlaması belə oldu: “Bu haqda heç kimlə danışığım olmayıb. Düzdü, istəyirik. Özləri də bilir. Ancaq federasiyanın fikirləri də bizim üçün önəmlidi. Bildiyiniz kimi, 3 komanda 1-ci diviziona çıxır. Bəlkə bundan çox komandanı diviziona gətirmək üçün qarşıda maneə var. Bunu deyə bilmərəm. Növbəti mövsüm yenə Region Liqasında çıxış edəcəyik. Amma divizion varaiantı gündəmə gələrsə, biz hazırıq. Hələ də ümidimiz qalıb. Düşünürəm ki, divizionda çıxış etsək, daha maraqlı olar. Özünüz də gördüz ki, qısa müddətdə normal komanda formalaşdırdıq. Belə bir klub ərsəyə gətirmişiksə, dəstək olacağı halda daha artığını bacararıq. İnşallah növbəti il yenə cəhd edərik. Tez-tez qərarlar dəyişir. Ola bilər ki, yenə qərar dəyişsin və biz də divizionda çıxış edək”.
ŞAİR ABDULLA
Digər xəbərlər
