"Xan Lənkəran"ın prezidenti Ramin Musayevlə görüşdü - ÖZƏL AÇIQLAMA
Dünən AFFA İcraiyyə Komitəsinin növbəti iclası keçirilib.
Tədbirdə 2022/23 mövsümündə 1-ci divizionda iştirak edəcək komandaların adları bəlli olub. Bunlar "İmişli", "Araz Naxçıvan" və "Mingəçevir"di. Region Liqasında əsas favorit sayılan "Xan Lənkəran"ın adının olmaması Lənkəran camiasını məyus etdi.
Hazırda yarımfinal oyununa hazırlaşan cənub təmsilçisinin bu qərardan sonra hansı addımı atacağı maraq doğururdu. Klubun prezidenti Pərviz Hüseynov bu gün səhər saatlarında şəxsi "instaqram" hesabında AFFA ilə yenidən görüşəcəklərini və oraya yollandığını bildirib. Prosesin necə nəticələndiyini öyrənmək üçün "Xan Lənkəran"ın rəhbəri ilə əlaqə saxladıq:
"Bu gün PFL-in prezidenti Ramin Musayev ilə görüşdük. Bir neçə variant təklif etmişik. Ümüd edirik ki, dəyərləndiriləcək".
GÜNAY VƏLİYEVA
