"Mingəçevir"ə texniki məğlubiyyət verildi

1-ci liqada mübarizə aparan "Mingəçevir"ə texniki məğlubiyyət verilib.

"Football-plus.az" xəbər verir ki, bu barədə AFFA İntizam Komitəsinin bugunkü iclasında qərar verilib.

1-ci liqanın 7-ci turunda "Şahdağ Qusar"la oyuna çıxmaqdan imtina edən meydan sahiblərinə 0:3 hesablı texniki məğlubiyyət verilib. Klub isə 3000 manat cərimələnib.

Komandanın oyununa çıxmamasının səbəbi onların uzun müddətdir maaşlarını ala bilməmələridir. Futbolçular etiraz əlaməti olaraq meydana çıxmaqdan imtina ediblər.