Belarus yığmasının UEFA Millətlər Liqasında Slovakiya, Azərbaycan və Qazaxıstana qarşı keçirəcəyi oyunlar üçün heyəti açıqlanıb.

"Football-plus.az" xəbər verir ki, baş məşqçi Georgi Kondratyev 27 futbolçuya dəvət göndərib. Onların 3-ü qapıçı, 10-ü müdafiəçi, 12-si yarımmüdafiəçi, 2-si isə hücumçudu.

Qeyd edək ki, Belarus seçməsi ilk matçını iyunun 3-də Serbiyanın Novi Sad şəhərindəki “Karadjordje” stadionunda Slovakiyaya qarşı keçirəcək. 3 gün sonra həmin arenada Azərbaycan millisini qəbul edəcək kollektiv iyunun 10-da Qazaxıstanla qarşılaşacaq. Komanda iyunun 13-də isə Bakıda yenidən Canni De Byazinin baş məşqçi olduğu yığma ilə üz-üzə gələcək.