Yığmamızın Millətlər Liqasındakı rəqiblərindən olan Belarus problemlə üzləşib.

"Football-plus.az" xəbər verir ki, Vitali Lisakoviç millidə oynamaqdan imtina edib. Hücumçu Azərbaycan, Slovakiya və Qazaxıstanla oyunlara görə yığmaya çağrılsa da, Belarus Futbol Federasiyasından gələn zənglərə və mesajlara cavab verməyib. 24 yaşlı oyunçunun bu hərəkətinin səbəbi məlum deyil.

Qeyd edək ki, iyunun 3-də, 6-da və 10-da müvafiq olaraq Slovakiya, Azərbaycan və Qazaxıstanı Serbiyada qəbul edəcək Belarus yığması ayın 13-də Bakıda millimizin qonağı olacaq.