Son günlər PSV ilə bağlı yayılan xəbər rəsmi təsdiqini tapıb.

Yerli mənbələr mövsümün sonunda məşqçi korpusunun dəyişəcəyini xəbər vermişdi. Komandanı növbəti mövsümdən Niderland millisinin keçmiş hücumçusu Ruud van Nistelroy çalışdıracaq. Eyndhoven klubunun rəhbərliyi yayda Rocer Şmidt ilə vidalaşmaq qərarına gəlib. Onu əvəzləməyə ən real namizəd sayılan Van Nistelroy baş məşqçi vəzifəsini tutmağa razılıq verib. Ona yeni iş yerində Fred Ruttenin kömək edəcəyi gözlənilir. Kluba sabiq idman direktoru Marsel Brandsın qayıdacağı isə dəqiqdi.

Van Nistelroy ötən ilin yanvarından PSV-nin ikinci komandasını çalışdırır. 45 yaşlı mütəxəsisin 1998-2001-ci illərdə eyndhovenlilərin formasını daşıdığını da xatırladaq.