"Nyu Seynts"dən "Sabah"a qarşı həmlə

“Sabah”ın Çempionlar Liqasının 1-ci təsnifat mərhələsindəki rəqibi "Nyu Seynts" heyətini gücləndirib.

“Football-plus.az” klubun rəsmi saytına istinadla xəbər verir ki, İsaak Qodvin transfer edilib. 19 yaşlı sol cinah müdafiəçisiylə bağlanan müqavilənin detalları açıqlanmayıb. Ancaq onun “Sabah”a qarşı matçda iştirak edəcəyi bildirilib.

Maraq üçün bildirək ki, Qodvin məhz Uels təmsilçisinin yetirməsidi. O, 12 yaşdan 16 yaşadək “Nyu Seynts”in akademiyasında yetişib. Futbolçu yeni komandasında 3 nömrəli formanı geyəcək.

Xatırladaq ki, bu gün keçiriləcək “Sabah” – “Nyu Seynts” qarşılaşması saat 20.00-da başlayacaq.

KƏNAN BAHADIR