"Qarabağ"ın Avropa Liqasının 1-ci təsnifat mərhələsindəki rəqibi olan “Vestri” ölkə çempionatında növbəti oyununu keçirib.

"Football-plus.az"ın məlumatına görə, 13-cü tur matçında "Qrindavik"lə üz-üzə gələn islandlar xal itirib - 0:0.

“Vestri”nin baş məşqçisi Daniel Osafo-Badunun bu matçda şans verdiyi start heyəti ilə tanış olaq:
Marvin Steynarsson, Edson Eduardo, Qudmundur Svavarsson, Konstantin Çeşmedyev, Kafu Fete, Yakob Stensson, Qudmundur Svavarsson, Breki Hermanson, Tordur Qunnar, Kriss-Albin Mörfelt, Emmanuel Dua.

Göründüyü kimi, "Vestri" meydana böyük ölçüdə rotasiya olunmuş heyətlə çıxıb. Heç şübhəsiz, Osafo-Badunun qərarının səbəbi aparıcı oyunçuların səfəröncəsi istirahətinə şərait yaratmaqdı. O başqa məsələ ki, kollektiv bu məğlubiyyət üzündən 4-cü sıraya geriləyib.

Xatırladaq ki, “Qarabağ” - "Vestri" oyunu iyulun 9-da “Tofiq Bəhramov”da olacaq. Qarşılaşma saat 20.00-da start götürəcək. Cavab görüşü iyulun 16-da İslandiyanın paytaxtı Reykyavikdə - “Valbjarnarvöllur”da olacaq. Bu oyunun start fiti iyulun 17-si, Bakı vaxtıyla saat 00.00-da çalınacaq.

KƏNAN BAHADIR