BFK FİFA-ya etiraz etdi - DÇ-nin ŞİKAYƏTİ
Braziliya Futbol Konfederasiyası (BFK) FİFA-ya rəsmi etiraz göndərib. Cənubi amerikalılar DÇ-2026-nın Şotlandiya ilə oyununda Vinisius Juniorun ləğv edilən qolu ilə bağlı qərardan narazılıq edib.
"Football-plus.az" xəbər verir ki, BFK rəhbərliyi qolun ləğvinin turnirdə tətbiq olunan hakimlik meyarlarına uyğun olmadığını düşünür. Etirazın əsasını Argentina yığmasının yarımmüdafiəçisi Aleksis Makallisterin Avstriya ilə oyunda cəzalandırılmayan qayda pozuntusu təşkil edir. BFK bildirir ki, həmin epizoddan sonra Lionel Messi ilk qolu vurub və hakimlər müdaxilə etməyiblər.
Braziliyanın futbol təşkilatının bəyanatında belə deyilir:
“Şotlandiya ilə oyunda ləğv edilən qol, bu turnirdə qəbul olunmuş hakimlik fəlsəfəsinə uyğun gəlmir. Qərar yalnız Braziliya üçün yox, Şotlandiyanın futbolçuları üçün də gözlənilməz oldu. Onların reaksiyası göstərirdi ki, nə epizodun VAR otağında müzakirə ediləcəyini, nə də qolun ləğv ediləcəyini gözləyirdilər”.
Digər xəbərlər
