Ötən il dekabrın 25-də Braziliya Futbol Konfederasiyasına (BFK) edilən rəsmi xəbərdarlıq nəticə verib. FİFA bu ölkənin milli və klub komandalarının beynəlxalq turnirlərdəki çıxışına qadağa qoya bilərdi. Lakin sanksiyaya ehtiyac olmayıb.

Cəzaya yol açan səbəb BFK-nın prezidenti vəzifəsinə keçiriləcək seçkidə bu prosesə mümkün kənar müdaxilə ilə bağlı idi. Bu haqda FİFA-nın BFK-ya ünvanladığı məktubda bildirilmişdi. Ali futbol qurumu Ednaldo Rodrigesin prezident postundan uzaqlaşdırılma prosesinin sürətlənməsindən narahat idi. Qeyd edək ki, BFK-da seçkinin bu ilin yanvarında keçirilməsi nəzərdə tutulub. FİFA rəhbərliyi 2022-ci ildə keçirilən seçki prosesində qayda pozuntularına yol verməkdə ittiham olunan Rodrigesin səlahiyyət müddəti başa çatmadan vəzifəsini tərk etməsinin ali təşkilatın nizamnaməsinə zidd olduğunu bəyan etmişdi. Rio de Janeyro Məhkəməsinin dekabrın 7-də verdiyi qərar ləğv edilməyəcəyi halda Braziliyanın bütün kateqoriyalardan olan yığmaları və klubları beynəlxalq yarışlardan kənarlaşdırılacaqdı.

Ancaq Braziliya Ali Məhkəməsi Rodrigesin vəzifəsinə qaytarılmasını təmin edib. Prezidentin bu qərara reaksiyası belə olub: “BFK-nın prezidenti yox, Braziliya futbolu qalib gəlir. Futbol muxtariyyətinin bərpasına əmin olacağı, ölkənin bütün kateqoriyalardan olan yığmaları və klubları beynəlxalq yarışlarda çıxışını davam etdirəcəyi halda Braziliya futbolu yenidən fəaliyyət göstərəcək”.